Эктор Купер: Туркия Францияни ютгани билан биз кучли бўлиб қолмаймиз
Ads

Анжуманнинг иккинчи қисмида терма жамоамиз бош мураббийи Эктор Купер иштирок этди.

"Биринчи навбатда олимпия терма жамоасини кечаги ғалаба билан табриклайман. Эртанги ўйинимиз ЖЧ саралаш учрашувлари олдидан сўнгги ўртоқлик ўйини бўлади, сентябрда эса саралаш баҳслари старт олади. Эртанги баҳсга ўйлаб қўйган режаларимиз мавжуд. Баъзи ўзгаришларни амалга оширамиз. Кичик ўзгариш бўлиши мумкин, бироқ бу келгуси ўйинлар учун жуда муҳим. Шу билан бирга эртага имкон қадар кўпроқ футболчиларга имкон беришга ҳаракат қиламан. Чунки, янги футболчиларни синаб кўриш учун бошқа имконият бўлмайди. Футболчиларнинг клубда чемпионат баҳсларидаги ўйинларини кузатишимиз мумкин. Мухлислар ҳам эртага биздан натижа кутади. Ютиш керак, янги футболчиларни синаб кўриш керак. Ҳаммаси яхши бўлади деб умид қиламан.  Рақибни ҳурмат қиламиз, лекин биринчи навбатда ўз ўйинимизга эътибор берамиз.  

Биз оптимист бўлишимиз керак. Ҳозиргача қилган ишларимизни ижобий ва салбий жиҳатдан баҳо беришимиз мумкин. Биринчи ўринда натижа эмас. Биз ғалаба қозонишимиз мумкин, лекин ўйинимиз чиқмаслиги мумкин. Саралаш ўйинларига қадар ўйин услубимиз шаклланган бўлади. 

Тўхтахўжаев ва Зотеев ўйнамаяпти? Ўйлаб кўриш керак. Улар олдинги йиғинларда ҳам иштирок этишган ва улар ҳақида биламиз. Яна бир бор таъкидлайман, эртага барча футболчиларга имконият беришга ҳаракат қиламиз. Идеалликка эришиш осон эмас. Ҳозирча ўйнамаган икки дарвозабон ва икки футболчи қолди. Уларга ҳам имконият беришга ҳаракат қиламиз.

Туркия Францияни мағлуб этди? Бу мени ҳурсанд қилди демаган бўлар эдим. Биз кучли жамоа билан ўйнадик ва иккита тўпни стандарт вазиятдан ўтказиб юбордик. Туркия фарангларни ютгани билан биз кучли бўлиб қолмаймиз. Ўша баҳсни кўрдим ва амин бўлдимки, биз турклар билан ёмон ўйнамабмиз. Бунга икки хил қараш мумкин. Салбий ҳам, ижобий ҳам.

Бугун бир инсон билан Сергеевнинг КХДРга киритган голи ҳақида гаплашдим. У дарвозабоннинг қўпол хатоси туфайли гол киритгани таъкидланди. Аммо Игорь шунга интилди, ҳаракат қилди. Бошқа футболчи бўлганида, вазият бошқача якун топиши мумкин эди.

Футболда жуда кўп режа бўлмайди. Терма жамоада А, Б, С план тузиш қийин. Жамоа сифатида ўз қиёфамиз бўлиши керак. Баъзи жамоалар билан эҳтиёткор ўйнашимиз керак. Аммо рақибдан келиб чиқиб ўйнаш лозим. Биз таркибдан келиб чиқиб, ўзгариш қила олишимиз мумкин.

Футболда доимо муаммо бўлади. Биз келганимизда ҳам, ундай кейин ҳам бўлади. Биз айнан уларнинг ечимини топишимиз керак. Биргаликда ишлаб бу муаммоларни бартараф этишимиз керак. Муаммосиз ишлайдиган мураббийга ҳавасим келади. Бизда ишлар яхши кетмоқда. Аммо бирор футболчи жароҳат олса муаммо бошланади. Бунга тайёр туришимиз керак. Йиқилган тақдиримизда ҳам қайта туриб кета олишимиз керак. Менинг фалсафам мана шундай", - деди аргентиналик мутахассис.

Шаҳзод Холбоев, SPORTS.uz

Фикрлар

Фикр қолдириш учун авторизациядан ўтинг!
Odil Kilichov
10/06/2019 21:02
Эртага уйинни кураолмайман такрорий сини қандай қилиб курсам булади иложи борми
Odil Kilichov
10/06/2019 21:01
Уйинчиларимиз жуда яхши уйин курсатиб келмоқда эртанги ўйинда ҳам ғалаба кутиб қоламиз, Эктор Куперга катта рахмат
runny network
10/06/2019 19:19
Maladets Super Bobo