"Эль-класико"дан олдин "Реал" мухлислари учун нохуш хабар!

Бразилия терма жамоаси ва Мадриднинг “Реал” клуби вингери Родриго Гоэс Чемпионлар лигаси умумий босқичи 3-туридан ўрин олган Дортмунднинг “Боруссия” клубига қарши ўйинда тиззасидан жароҳат олди. Энди бразилиялик футболчи Ла Лиганинг 11-турида "Барселона"га қарши бўладиган ўйинни ўтказиб юборади. Бу ҳақда Испаниянинг Relevo интернет нашри хабар берди.

Эслатиб ўтамиз, "Реал" - "Барселона" учрашуви 26 октябрь, шанба куни бўлиб ўтади. Ўйин Мадриддаги "Саньтяго Бернабеу" стадионида Тошкент вақти билан соат 00:00да старт олади.

Айни дамда, Испания чемпионатида “Барселона” пешқадамлик қилмоқда. "Кўк-анорранглилар" 10 ўйиндан 27 очко тўплашга муваффақ бўлди. Ҳисобида 24 очко бўлган "Реал" иккинчи ўринни эгаллаб турибди.