Каталониянинг “Барселона” клуби ҳужумчиси Мунир Эль-Хаддади Марокаш футбол федерациясидан кўмак сўрамоқда.

AS нашри тарқатган хабарга кўра 22 ёшли футболчи Марокаш терма жамоаси сафида ЖЧ-2018да иштирок этмоқчи. Бироқ, бу борада бир муаммо бор. Гап шундаки, у Испания терма жамоаси савида Евро-2016 саралашида 13 дақиқа майдонда ҳаракат қилган.

ФИФА қонун-қоидаларига кўра эса миллий терма жамоада ўйин ўтказган ҳар қандай футболчи бошқа давлат терма жамоасида ўйнаши мумкин эмас. Шундай экан Мунирнинг бу борадаги орзуси деярли ушалмаслиги мумкин.