Элдор Шомуродов: "Биз бутун Ўзбекистон номидан майдонга чиқамиз"

Ўзбекистон миллий терма жамоаси сардори ва етакчиси ҳисобланган Элдор Шомуродов бўлажак йирик турнир олдидан қисқача интервью бериб ўтди.

"Ҳамма нарса ажойиб бўлмоқда, эмоцияларимиз ҳам етарлича. Барчамиз бундан хурсандмиз. Ваниҳоят, узоқ кутилган онлар келди. Терма жамоамиз Жаҳон чемпионатига тайёр!

Америка вақтларига ҳам анча мослашиб олдик, Нью-Йоркдаги 10 кунлик машғулотимиз бизга қўл келмоқда.

Биринчи навбатда бу катта ғурур ҳисобланади. Нафақат мен учун, балки барча футболчилар учун ҳам. Биз бир терма жамоа номидан эмас, бутун Ўзбекистон номидан иштирок этяпмиз. Айтиб ўтганимдек, бу узоқ кутилган орзу эди.

Албатта, бизни қўллаб-қувватлашларини сўраб қолган бўлар эдик. Худо Хоҳласа, биз ўйинимиз орқали уларни хурсанд қиламиз", - дея фикр билдириб ўтди терма жамоамиз сардори.