Элдор Шомуродовнинг голи гуруҳ босқичининг энг чиройли голи деб топилди

Ўзбекистон терма жамоаси ҳужумчиси Элдор Шомуродовнинг Конгога қарши ўйинда урган голи турнирнинг биринчи босқичидаги энг яхши гол деб эътироф этилди.

Мусобақанинг расмий овоз бериш натижаларига кўра, Шомуродовнинг маҳорат билан ижро этилган ошиб туширма зарбаси ғолиб деб топилди. Ушбу гол Ўзбекистоннинг Жаҳон чемпионатидаги дебютидаги энг ёрқин лаҳзалардан бири сифатида баҳоланди.

Эслатиб ўтамиз, мазкур учрашувда Конго Ўзбекистон терма жамоасини 3:1 ҳисобида мағлуб этган эди.