Элнур Абдураимовнинг жанги бўлмайди. Бунга нима сабаб бўлди?

Профессионал бокснинг енгил вазн тоифасида (61кг) жанглар ўтказиб келаётган Элнур Абдураимов (6-0, 6КО) ўзининг навбатдаги жангини 13 февраль куни колумбиялик Деиви Хулиога (21-9, 13КО) қарши ўтказиши керак эди. Аммо бизга маълум бўлишича, унинг рақиби белгиланган муддатда комиссия тасдиғидан ўта олмагани сабабли жанг бекор қилинган.

Эслатиб ўтамиз, Тошкент вақти билан 14 февраль тонгида бўлиб ўтадиган бокс оқшомида Бектемир Мелиқўзиев Морган Фитчга қарши рингга кўтарилади. Элнур иштирокидаги жанг ҳам айнан мана шу бокс оқшомида ўтказилиши белгиланган эди.