Элёр Орифов: "Сўғдиёна" медаллар учун курашмоқда

Суперлига 23-туридан ўрин олган "Сўғдиёна" - "Динамо" учрашувидан кейин мезмонлар ҳимоячиси Элёр Орифов матбуот анжуманида қатнашди. Бу ҳақда клуб матбуот хизмати хабар берди.

- Бугунги ўйиннинг аҳамияти жуда катта эди. Кўриб турибсиз жамоамиз медаллар учун ҳаракат қиляпти. Қўлдан келганча ғалаба қозонишга интилдик ва буни уддаладик. Биринчи ўринда қуллаб қувватлашганликлари учун мухлисларимизга миннадорчилик билдирамиз. Барча жамоадошларимни табриклайман. Бу ғалаба бутун Жиззах халқини. Ҳудо ҳоҳласа кейинги ўйинларда ҳам яхши натижаларни қўлга киритишга ҳаракат қиламиз.

Олдинда учта тур қолди. "Сурхон", "Насаф" ва "Бунёдкор" жамоалари билан куч синашамиз. Турнир жадвалида ҳам жуда бир қийин вазият, мураббийимиз таъкидланганидек максимал даражада ҳаракат қиламиз, - деди Элёр Орифов.