Энди Ўзбекистон терма жамоалари 6 хил ҳажмдаги қадоқланган сувлар билан таъминланади (Фото)

Ўзбекистон футбол ассоциацияси футбол ва футзал бўйича терма жамоаларни табиий ва микроэлементларга бой сув билан таъминлаш мақсадида "VERO BEVERAGES" МЧЖ билан ҳамкорлик алоқаларини ўрнатди. Бу ҳақда ЎФА матбуот хизмати хабар берди.

Эндиликда Ўзбекистон терма жамоалари юқори сифати билан қадрланадиган, мураккаб филтрлаш жараёнидан ўтадиган, 6 хил ҳажмдаги OMAF қадоқланган сувлари билан таъминланади.

OMAF ичимлик суви ер остидаги чуқур қатламларидан олинади, шу сабабли сув майин, тоза ва табиий минералларга бой ҳисобланади.

ЎФA ҳамда "VERO BEVERAGES" ўртасидаги ушбу муваффақиятли келишув Ўзбекистон терма жамоаларининг истиқболдаги зафарларига ўз улушини қўшишига ишонамиз.