Эндрик "Реал"дан кетишга рози бўлди
Мадриднинг «Реал» жамоасига ёзда қўшилган бразилиялик ёш ҳужумчи Эндрик қишки трансфер ойнасида клубни тарк этиши мумкин.
Бундан аввал италиянинг «Милан» жамоаси январь ойида 20 ёшли футболчини ижарага олишни режалаштираётгани ҳақида хабарлар тарқалган эди.
La Gazzetta dello Sport нашрининг янги сонида ёзилишича, Эндрик «Милан» сафига ўтиш вариантига розилик билдирган. Манбага кўра, агар «Реал» унинг кетишига рухсат берса, Серия А гранди ҳужумчи учун асосий ва биринчи даражали вариантга айланади.
Янги мавсумда Эндрик Испания чемпионати доирасида фақат битта ўйинда майдонга тушди ва жами тўрт дақиқа ўйнади. Унинг мадридликлар билан тузган шартномаси 2030 йилга қадар мўлжалланган.
Фикрлар