Eng ko‘p muxlis vodiy derbisida. Qolgan markaziy o‘yinlar esa ishqibozlar tashrifi bilan maqtana olmaydi

17-18 avgust kunlari Superliganing 17-turi o‘tkazildi. SPORTS.uz sayti an’anasiga sodiq holda tur muxlislarini taqdim etadi.

Tur o‘yinlariga jami 34875 tomoshabin tashrif buyurdi. Bu bir uchrashuvga o‘rtacha 4982ni tashkil qiladi.

Eng ko‘p muxlis Andijondagi “Andijon” – “Navbahor” bellashuvida qayd etildi - 10322.

Eng kam ishqibozlar Toshkent shahrida. “Bunyodkor” – “Metallurg” bahsini 2162 ishqiboz bevosita o‘yingohdan tomosha qildi.

Avvalgi turda Jizzaxda ishqibozlar soni ortib borayotganini ma’lum qilgandik. Bu safar esa Navoiyda ham tomoshabinlar avvalgilarga nisbatan ko‘proqni tashkil etadi. “Qizilqum” – “Dinamo” bahsini ko‘rish uchun stadionga 5500 odam kelgan.

SPORTS.uz talqini bo‘yicha Superliga 17-tur ramziy terma jamoasi (Foto)

Quyida 17-turda eng ko‘p muxlislar tashrif buyurgan o‘yinlar ketma-ketligi bilan tanishishingiz mumkin:

“Andijon” – “Navbahor” 0:1. 10322 tomoshabin

“Buxoro” – “So‘g‘diyona” 1:1. 5561 tomoshabin

“Qizilqum” – “Dinamo” 2:1. 5500 tomoshabin

AGMK – “Paxtakor” 0:3. 4360 tomoshabin

“Qo‘qon-1912” – “Surxon” 2:1. 3750 tomoshabin

“Lokomotiv” – “Nasaf” 1:0. 3220 tomoshabin

“Bunyodkor” – “Metallurg” 1:0. 2162 tomoshabin