Eng qimmat darvozabon xor bo‘lyapti

Dunyoning eng qimmat darvozaboni nomini oqlay olmagan Kepa Arrisabalaga “Chelsi”dagi o‘rnini yangi olingan darvozabon Eduar Mendiga bo‘shatib berdi.

Bunda eng katta ayb Kepaning o‘zida. U qo‘pol xatolari tufayli o‘z darvozasidan to‘p olib chiqishni kanda qilmayapti. Eng qizig‘i, o‘zini dunyoning eng zo‘r darvozabonlaridan biri, deb hisoblaydigan Kepaga umuman xaridor chiqmadi. Jamoalar uni ijaraga olishni ham istamayapti.

“Chelsi” bu darvozabonga yiliga 5 million funt miqdorida maosh to‘layapti.