Энг томошабинбоп футбол жамоалари эълон қилинди

ESPN телеканали таҳлилчилари энг томошабинбоп футбол жамоалари рейтингини тақдим этди. Рейтингда биринчи ўринни Мьюнхеннинг "Бавария" ва Каталониянинг "Барселона" жамоалари бўлишди. Иккала клуб ҳам 9,6 балл олди.

Эълон қилинган рўйхатда кейинги ўринни 9,5 очко билан "Реал Мадрид" эгаллади. Шунингдек, ПСЖ, "РБ Лейпциг", "Ланс", "Манчестер Юнайтед", "Монако", "Интер" ва "Ювентус" жамоалари ҳам кучли ўнталикка кирди.

Қайд этилишича, рейтинг топ жамоаларга қарши ўйин натижадорлиги, ҳимоядаги ўйин шиддати, узатмаларнинг вертикаллиги ва ўйин сифатини ҳисобга олувчи алгоритм асосида шакллантирилган.