Eng yirik g‘alabasida 31 gol urgan, mundialgacha o‘ta qiyin yo‘ldan o‘tgan "kengurular yurti" Avstraliya bilan tanishamiz

"JCh-2022" startiga tobora oz vaqt qolmoqda. Muxlis va mutaxassislarni intizorlik bilan kuttirayotgan turnir tez orada boshlanadi.

Qaysi terma jamoalar "JCh-2022"da ishtirok etishini yaxshi bilasiz. Agar hamon bundan xabardor bo‘lmasangiz, yana bir  bor eslatib o‘tib ketamiz.

Mundial startiga 19 kun qolgan va biz ketma-ketlikda termalar bilan sizni tanishtirib o‘tamiz. Demak, "D" guruhi vakili Avstraliya orqali o‘ziga xos "chellenj"imizni davom ettiramiz.

Avstraliya terma jamoasi, Avstraliya futbol federatsiyasi (Football Federation Australia, FFA).

Tashkil topgan: 1922 yil (FIFA'ga 1963 yil a’zo bo‘lgan).
Bosh murabbiy: Grem Arnold.
Jamoa sardori: Mett Rayyan.

Ilk rasmiy bahsi: Yangi Zelandiya - Avstraliya 3:1 (1922 yil).
Eng yirik g‘alaba: Avstraliya - Amerika Samoasi 31:0 (2001 yil).
Eng yirik mag‘lubiyat: Avstraliya - Janubiy Afrika 0:8 (1955 yil).

Ayni dam mazkur terma jamoa FIFA reytingida 38-o‘rinni band etib turibdi. Ularning reytingda eng yuqori ko‘rsatkichi 14, eng pasti esa 102-o‘rin bo‘lgan.

Ushbu yurt termasi bunga qadar o‘tkazilgan jahon chempionatlarida 6 bora ishtirok etgan. Ilk bor "kengurular" 1974 yilgi Germaniya yashil maydonlarida o‘tgan mundialda qatnashishga muvaffaq bo‘lgan. Eng yaxshi natijasi 2006 yilda qayd etilgan. O‘shanda jamoa nimchorak finalda o‘z yurishini to‘xtatgan.

Turnirgacha bosib o‘tilgan yo‘l

Avstraliya terma jamoasi mundial yo‘llanmasi uchun kechgan saralash bahslarida qoniqarli ishtirok etdi, deb bo‘lmaydi. 5 jamoa ichida terma 3-o‘rinni qo‘lga kiritdi va ikkinchi guruhda 3-o‘rin sohibi BAA termasiga qarshi bahs olib bordi. Unda "sokkeruz" 2:1 hisobida zafar quchdi. 

Navbatdagi raqib Janubiy Amerikaning Peru jamoasi edi. Bu raqibga qarshi bahsda "yashil qit’a vakillari" kichik 1:0 hisobidagi g‘alabani qo‘lga kiritdi hamda mundial yo‘llanmasiga ega chiqdi.

Saralash turnirining 3-bosqichida avstraliyaliklar 15 ochko bilan 3-o‘rinni band etdi. 4 g‘alaba, 3 durang va 3 mag‘lubiyat qayd etgan terma vakillari 15 gol urib, o‘z darvozasidan 9 to‘p olib chiqdi. 

Bundan tashqari, jamoa "JCh-2022" oldidan bir qancha uchrashuvlar o‘tkazdi:

Tarkibdagi futbolchilarning transfer narxi taniqli "Transfemarkt" talqiniga ko‘ra, 39,73 million evroni tashkil etadi.

Bosh murabbiy Grem Arnold quyidagi futbolchilarni Qatardagi mundialga jalb etgan:

Darvozabonlar: Mett Rayyan (“Kopengagen”), Endryu Redmeyn (“Sidney”), Mitchell Degenek (“Nagoya Grampus”).

Himoyachilar: Milosh Degenek ("Kolumbus Kryu"), Fran Karachich ("Breshiya"), Natanial Atkinson ("Xarts"), Beyli Rayt ("Sanderlend"), Aziz Bexich ("Dandi Yunayted"), Rayyan Streyn ("Sent-Mirren"), Trent Seynsberi (Al-Vakra), Xarrison Delbrij ("Incheon Yunayted"), Joel King (OB), Tomas Deng ("Albirex Niigata").

Yarim himoyachilar: Denis Jenro (“Tuluza”), Ajdin Xrustik (“Verona”), Aaron Muy (“Seltik”), Rayli MakGri (“Middlsbro”), Jekson Irvin (“Sent-Pauli”), Konor Metkalf (“Sent-Pauli”), Keanu Bakkus (“Sent-Mirren”), Kemeron Devlin ("Xarts"), Tirese Fransua ("Gorica").

Hujumchilar: Martin Boyl ("Xaybernian"), Metyu Lekki ("Melburn"), Jeymi Maklaren ("Melburn Siti"), Aver Mabil ("Kadis"), Mitchell Dyuk ("Fajiano Okayama"), Marko Tilio ("Melburn Siti"), Jeyson Kammings ("Sentral Kost Mariners"), Adam Taggart ("Serezo Osaka").

"JCh-2022"dagi taqvimi

Avval aytganimizdek, Avstraliya futbol bo‘yicha eng nufuzli turnirning "D" guruhida Frantsiya, Daniya hamda Tunis kabi termalar bilan bir guruhdan joy olgan. Ularning taqvimi quyidagicha:

22 dan 23 noyabrga o‘tar kechasi

00:00 Frantsiya - Avstraliya.

26 noyabr 

15:00 Tunis - Avstraliya.

30 noyabr

20:00 Avstraliya - Daniya.

Shohrux Zoirov tayyorladi.