Енгилмас боксчимиз навбатдаги рақибини кутмоқда
Shahzod
Енгилмас боксчимиз - Хуршидбек Норматов 10 апрель куни профессионал боксдаги ўзининг саккизинчи жангини ўтказади.
Бу сафар унга америкалик Кэлвин Меткалф (9-1-1) рақиблик қилади. Маълумот учун, 24 ёшли Меткалф профи боксдаги дебютини 2016 йилда Жоель Блэйрга қарши ўтказган ва ғалаба қозонган.
Умумий ҳисобда 11 бор рингга кўтарилган Меткалф 9 жангни ўз фойдасига ҳал этган. 2017 йил Конор Койлга қарши баҳсда эса очколар ҳисоби бўйича мағлуб бўлган. Сўнгги жангида эса дуранг натижа қайд этган.
Хуршидбек Норматов эса профи боксда 7 та жанг ўтказиб уларнинг барчасида зафар қучган. Эслатиб ўтамиз, Нью-Йорк шаҳрида кечадиган мазкур бокс кечасида Баҳодир Жалолов ҳам иштирок этиши кутилмоқда.
Изоҳлар (0)