Енгилмас Энтони Жошуа қачон рингга кўтарилиши маълум бўлди
Супер оғир вазн тоифасида WBA Super, WBO, IBF ва IBO чемпионлик камарлари соҳиби Энтони Жошуа ўзининг навбатдаги жангини Энди Руисга қарши ўтказади.
Sky Sports нашрининг хабарларига кўра, ушбу қарама-қаршилик расман жорий йилнинг 1 июнь куни Нью-Йорк шаҳрида бўлиб ўтади.
Маълумот учун, Жошуа профессионал боксдаги фаолияти давомида 22 жангда иштирок этиб бирор марта ҳам мағлубиятга учрамаган. Руиснинг рекорди эса 32-1га тенг.
Эслатиб ўтамиз, аввалроқ Жошуа Жаррелл Миллерга қарши рингга кўтарилиши керак эди, бироқ Миллер допинг-тестдан ўтолмади.
Фикрлар