Entoni Joshua va Daniel Dyubua jangini ko‘ramizmi?

21 sentabr kuni Londondagi “Uembli” stadionida bo‘lib o‘tadigan boks oqshomida Entoni Joshua (28-3, 25 KO) va IBF yo‘nalishi bo‘yicha vaqtinchalik jahon chempioni Daniel Dyubua (21-2, 20 KO) o‘rtasida jang o‘tkazilishi mumkin. Chunki Joshua bir necha hafta oldin ringga qaytish sanasini va uning raqibi Dyubua va Filip Xrgovich o‘rtasidagi jangi g‘olibi bo‘lishini aytgan edi. 

Ma’lumot uchun, Joshua oxirgi bor mart oyida boks o‘tkazib, ikkinchi raundda Frensis Ngannuni nokautga uchratgan edi. O‘tgan yili britaniyalik uchta g‘alabali jang o‘tkazdi.

Daniel Dyubua esa, o‘tgan hafta shanba kungi boks oqshomida Filipp Xrgovichni texnik nokautga uchratdi va super og‘ir vazn toifasi IBF vaqtinchalik chempion kamarini qo‘lga kiritdi.