Энцо Мареска футболчиларга қийин бўлаётган тақвим ҳақида гапирди

"Челси" бош мураббийи Энцо Мареска жорий мавсумда жамоалар жуда кўп ўйин ўтказаётганини танқид қилди.

Ўйинлар сони ҳақида:

"Менимча, бу нормал ҳолат эмас, тўғри ҳам эмас. Ҳа, одамлар футболчиларни кўп пул топишади деб ўйлашади. Лекин гап пулда эмас – футболчиларни ҳимоя қилиш керак". 

Келаси мавсум учун футболчиларнинг чарчоқ ҳолати ҳақида:

"Мен ҳозир келаси мавсум ҳақида эмас, олдинда турган икки ўйин ҳақида ўйлаяпман. Лекин албатта, шундай хавф бор: футболчилар чарчаши ёки жароҳат олиши мумкин. Шунда қандай чора кўриш кераклигини кўрамиз". 

Футболчиларга етарлича эътибор қаратилмаётгани ҳақида:

"Футболчиларнинг ҳолати ҳеч кимни қизиқтирмайди. Агар улар чарчашса, шунчаки ўйнашмайди. Бу билан қандай курашиш керак? Ана шундай қилиб.

Менимча, футболчиларга етарли эътибор берилмаяпти. Улар ўйнаётган ўйинлар сони мутлақо нормал эмас" – дея таъриф бериб ўтди "аристократлар" мутахассис.

Эслатиб ўтамиз, лондонликлар АПЛнинг сўнгги турида 25 май куни "Ноттингем Форест"га қарши майдонга тушса, орадан 3 кун ўтиб "Бетис"га қарши Конференциялар лигаси финалида иштирок этади.