Эпласанг ишла! Перес “Валенсия”дан учралган мағлубиятдан кейин Анчелоттига шарт қўйди

Испания чемпионатнинг 30-турида “Реал” футболчилари ўз майдонида мухлислари кўз ўнгида кутилмаганда “Валенсия”га 1:2 ҳисобида ютқазиб қўйди.

Бу мағлубият клуб хўжайини Флорентино Переснинг ғазабини келтирди. Клубда бош мураббий Карло Анчелоттига босим кучайиб бормоқда. Гарчи жамоа Испания кубоги финалига чиққан ва Европа Чемпионлар лигасида юришини давом эттираётган бўлса-да, раҳбариятга жамоанинг ўйин услуби ёқмаяпти.

Вазиятдан келиб чиққан ҳолда Флорентино Перес ўз позициясини аниқ қилиб кўрсатиб берди. Унга кўра, Карло Анчелотти йўлга қўйган ўйин услуби, унинг динамикаси “Қироллик клуби” мутасаддиларини умаман қониқтирмайди.

Перес олдиндаги бир неча ҳафта давомида Анчелоттидан жамоанинг ўйин тактикаси ва динамикасини ўзгартиришни талаб қилди. Италиялик мутахассиснинг клубдаги келажаги айнан мана шу критериялар бўйича кўриб чиқилади.