Эрик тен Хаг “Манчестер Юнайтед”нинг энг катта муаммосини ошкор қилди

“Манчестер Юнайтед” бош мураббийи Эрик тен Хаг ўзини қийнаётган муаммолар ҳақида гапирди.

Маълумки, жамоа чемпионат стартини муваффақиятсиз ўтказяпти. Манчестерликлар дастлабки олтита учрашувдан тенг ярмида мағлубиятга учраган.

Эрик тен Хаг чемпионат бошидаёқ чап қанот ҳимоячилари – Люк Шоу ва Тирелл Маласиядан айрилди. Уларнинг ўрнини ёпиш учун олиб келинган Серхио Регилон ҳам жароҳат туфайли сафдан чиқди.

- Жароҳатлар кўплигига қарамай, ҳимоя марказида камчилик йўқ. Энг катта муаммо қанот ҳимоячилари бўлиб турибди, - деди Эрик тен Хаг.