Эрлинг Холанд Норвегия терма жамоасининг кейинги ўртоқлик ўйинида иштирок этмайди

"Манчестер Сити" ва Норвегия терма жамоаси ҳужумчиси Эрлинг Холанд Янги Зеландияга қарши бўладиган ўртоқлик учрашувини ўтказиб юборди. Юлдуз тўпурарга ўйинлар жадвали тиғиз бўлгани учун терма жамоа қароргоҳини муддатидан олдин тарк этишга рухсат берилди.

Яқинда бўлиб ўтган ЖЧ–2026 саралаш босқичидаги баҳсда Холанд Исроилга қарши ўйинда хет-трик қайд этган эди. Норвегия ўша учрашувда 5:0 ҳисобида йирик ғалабага эришганди.

Норвегия ва Янги Зеландия терма жамоалари ўртасидаги назорат учрашуви эртага, 14 октябрь куни Ослода бўлиб ўтади.