Ermatov, Jeparov, Rayimjonov, Mirzaboev va boshqalar Qozog‘istondagi butunjahon futbol yarmarkasida

29-30 iyul kunlari Qozog‘iston poytaxti Ostana shahrida qozog‘istonlik yosh futbolchilarni butunjahon skautlari va murabbiylariga tavsiya yarmarkasi bo‘lib o‘tdi.

Bu katta loyihadan asosiy maqsad qozog‘istonlik yosh iqtidorli va ayni damda jamoasiz futbolchilarni turli mamlakat futbol klublari skautlari va murabbiylariga tavsiya yarmarkasi vazifasini o‘tab beradi.

Qozog‘iston va rossiyalik mutaxassislar hamkorligida o‘tkazilgan ushbu loyihada yurtdoshlarimiz ham qatnashdilar. Jumladan, O‘FA birinchi vitse-prezidenti Ravshan Ermatov, taniqli sobiq  futbolchi Server Jeparov, yoshlar murabbiyi Dmitriy Kim, sobiq futbolchi, hozirgi kunda Farg‘ona futbol akademiyasi direktori Sherzod Rayimjonov, “Real” madrid akademiyasi (Bekobod shaxar) murabbiy skauti Boburjon Madaminov, futbol agenti Farruh Sayfullaev, “Turon” futbol klubi U-21 jamoasi bosh murabbiyi Diyorbek Mirzabaev ham ishtirok etdilar.

Shuningdek, muxlislar yaxshi taniydigan sobiq futbol yulduzlari ham ishtirok etdilar. Bu bora gap ketganda aytish mumkinki, nigeriyalik sobiq futbolchi Jey-Jey Okocha, Senegal terma jamoasi sobiq sardori Halilu Fadiga, hozirda Londonning “Arsenal” jamoasi futbolchisi Aleksandr Zinchenkoni kashf qilgan agent Alan Prudnikov, bundan tashqari, Turkiyaning “Trabzonspor”, Belarusiyaning BATE, Janubiy Koreyaning “Suvon Samsung”, “Spartak” Moskva skauti Maksim Kandinov va Belgiya va Germaniyadan skautlar xam ishtirok etishdi.

Eng qiziqarli holat shundan iboratki, Ravshan Ermatov loyihaning asosiy o‘yinida bosh hakamlik vazifasini bajardi.

Bu esa ushbu shou loyihaning ahamiyati katta ekanligidan dalolat beradi. K.J Liga (Qozog‘iston yoshlar ligasi terma jamoasi) va  Super Bol loyihasi yoshlar terma jamoasi o‘rtasida o‘zaro final o‘yin bo‘lib o‘tdi. Hamkorlikda o‘tkazilayotgan ushbu loyiha butunjahon futbol skautlari va yoshlar murabbiylarini o‘zaro tajriba va fikr almashish vazifasini xam o‘tab berdi.