Эронда аёлларга футбол учрашувларига боришга рухсат берилди

Эрондаги аёлларга футбол ўйинларига боришга рухсат берилади.

Бу ҳақда Эрон футбол федерацияси раҳбари Меҳди Таж маълум қилди. Қарор мамлакат Миллий хавфсизлик олий кенгаши томонидан тасдиқланган.

“Аёлларга стадионларга киришга рухсат берилади. Яхшиямки, Миллий хавфсизлик кенгаши бу масалани маъқуллади. Буни қандай амалга ошириш бўйича ишчи гуруҳ тузилди.

Ички ишлар вазирлиги, Спорт ва ёшлар сиёсати вазирлиги, Футбол федерацияси ва иккита ахборот агентлиги аёлларнинг ўтиш тафсилотларини режалаштирмоқда”, - деди Таж.

Эронда 1979-йилги Ислом инқилобидан кейин аёлларга эркаклар жамоалари иштирокидаги футбол ўйинларига бориш тақиқланган эди.

Сўнгги пайтларда аёлларга баъзан ўйинларга, масалан, Эрон ва Россия ўртасидаги ўйинга боришга рухсат берилган, аммо рухсатнома расмийлаштирилмаган.