Эррол Спенс ва Мэнни Пакьяо жанги олдидан илк бора юзма-юз келди (видео)

Профессионал боксда 8 вазн жаҳон чемпионлигини қўлга киритган ягона боксчи, филиппинлик афсона Мэнни Пакьяо (62-7-2, 39КО) ўзининг навбатдаги жангини ярим ўрта вазн тоифасида (-66,6 кг) WBC ва IBF чемпиони Эррол Спенсга (27-0, 21КО) қарши ўтказади. 21 август куни Лас-Вегас шаҳрида "T-Mobile" аренасида ўтказиладиган жанг олдидан биринчи матбуот анжумани бўлиб ўтди. Унда боксчилар ўзаро "Face-to-Face" маросимида иштирок этди.