Эртанги супер жанглар олдидан "Face to face" маросими бўлиб ўтди (фотогалерея)

Хабарингиз бор, 17 декабрь куни Тошкент шаҳри катта профессионал бокс оқшомига мезбонлик қилади. "Matchroom" промоутерлик компанияси томонидан ташкил этилаётган ва DAZN платформаси томонидан бутун жаҳонга трансляция қилинадиган мазкур оқшомда бир қатор юртимиз бокс олами юлдузлари рингга кўтарилади.

Марказий жангда супер ярим ўрта вазн (69.85 кг) тоифасида ҳамюртимиз Исроил Мадримов ҳамда франциялик Мишел Соро якуний элиминатор жангида тўқнаш келади. Шунингдек, Шаҳрам Ғиёсов, Ҳасанбой Дўсматов, Бектемир Мелиқўзиев, Иқбол Холдоров, Элнур Абдураимов, Дилшод Рўзметов каби истеъдодли чармқўлқоп усталари ҳам навбатдаги жангларини ўтказади.

Бугун, мазкур жанг кечасидан аввал боксчилар "Face to Face" маросимида иштирок этди. Қуйида, ушбу жараёндан фотолавҳаларни эътиборингизга ҳавола этамиз.