“Everton” klubi yangi bosh murabbiyi Sem Ellardays jamoaga Obameyangni olib kelishni istamoqda

Angliyaning “Everton” klubi yangi bosh murabbiyi Sem Ellardays jamoa hujum chizig‘i borasida bosh qotirmoqda. Buning uchun Sem Ellardays Angliyaga Bundesligada to‘p tepayotgan forvardni olib kelmoqchi. Bu haqda Daily Mirror nashri xabar bermoqda.

Manbaning ma’lum qilishicha, Sem Ellardays o‘z jamoasida “Borussiya D” hujumchisi Per-Emerik Obameyangni ko‘rmoqchi.

Buning uchun mutaxassis gabonlik futbolchi uchun 60 million funt sterling to‘lashga tayyor.