Евгений Попихин: "Ҳумо-Арена" мухлислар билан тўлиб-тошишини истаймиз.

"Барчани муҳим ва дастлабки ғалаба билан табриклайман. Тошкентдаги илк ўйинимизни кўплаб мухлислар томоша қилди. Аслида биз янада кўпроғини кутган эдик. Мен арена тўлишини истайман. Шунда йигитлар янада катта иштиёқ билан ўйнашади. Рақибни ўрганиб чиққан эдик. Ҳаяжон ва ўйин амалиёти етишмаганлиги боис биринчи даврда ўйинимиз у қадар қовушмади.
Иккинчи даврда ўйинни ҳис этдик ва шайба киритишга эришдик. Биринчи даврдаги ажойиб ҳаракатлари учун дарвозабонимизга алоҳида миннатдоричилик билдираман. У кўплаб вазиятларда жонимизга оро киргизди. Минус жиҳат? Бугун жуда ҳам кўп четлатишларга учрадик. Бу борада ишлашимиз керак.

Жароҳатлар нормал ҳолат. Мураббийлар учрашувни қайтадан кўриб чиқишади. Эртага тонгдан машғулотлар бошланади. Тушда музга чиқамиз. Кечқурун эса ўйин услубини тузиб чиқамиз. Унинг эртасига ҳам тонгдан машғулотлар, кечаси ўйин. Мана шундай шароитда ишлаймиз. Таркибимизда яна хоккейчилар бор ва ротация ишларини ҳам амалга оширамиз. Ўйинлар графиги тиғиз. Октябрда 12 та баҳсда музга чиқишимиз керак. Бу деярли ҳар икки кунда ўйин ўтказиш керак деганидир", - деди Попихин.