Евгений Попихин: Ёмон бошламаган эдик

Тошкентнинг "Ҳумо" жамоаси Россия Федерациясининг Воскресенск шаҳрида Москванинг "Звезда" жамоасига қарши учинчи учрашувини ўткази. Мухлисларсиз ўтган беллашувда тажриба ўз сўзини айтди "Звезда" хоккейчилари 2:0 ҳисобидаги ишончли ғалабани қўлга киритишди. Ўйиндан кейинги матбуот анжуманида "қанотлилар" устози Евгений Попихин қуйидаги фикрларни билдириб ўтди:

"Ўйинни ёмон бошламаган эдик. Иккинчи даврда тўғри ҳаракатланмадик. Рақиб уч бор дарвозабон билан яккама-якка вазиятга чиқиб кетди. Қаердадир эътиборни йўқотдик. Учинчи даврнинг сўнгги 10 дақиқасида қаттиқ курашдик. Бироқ рақиб ҳам имконият қолдирмади. Эртанги қарама-қаршиликка тайёрланамиз. Плей-офф учун ажойиб рақиб".