"Евро-2020" мезбонлари сони қисқармайди

Sky Sports’нинг УЕФАдаги манбаси “Евро-2020” мезбонларининг камайтирилиши ҳақидаги миш-мишларни инкор этган.

“Биз аввалги ўйин жадвалларини сақлаб қолиш ва уларни режалаштирилган шаҳарларда ўтказиш ниятидамиз. Бироқ, ўйинлар тақвими ҳали расман тасдиқланмаган. Бу борада мусобақа мезбони ҳисобланган 12 та шаҳар билан музокаралар олиб борилмоқда”, - дейди УЕФА вакили.

Таъкидлаш керакки, “Евро-2020” ўйинлари Санкт-Петербург, Лондон, Мюнхен, Боку, Рим, Бухарест, Дублин, Копенгаген, Бильбао, Глазго, Будапешт ва Амстердам шаҳарларида бўлиб ўтиши режалаштирилган.