"Евро-2024" саралаш. Италия Германияга борадиган бўлди, Қозоғистон эса сафарда мағлуб бўлди

"Евро-2024" саралашидан ўрин олган Украина - Италия ва Словения - Қозоғистон учрашувлари ўз ниҳоясига етди. 

Италия меҳмонда Украина билан 0:0 ҳисобида дуранг ўйнади ва 14 очко билан гуруҳда иккинчи ўринни қўлга киритиб, "Евро" йўлланмасини олишга муваффақ бўлди. 

Қозоғистон эса сафарда Словенияга мағлуб бўлди. 

Дастлаб, 41-дақиқада Шешко пенальтидан гол уриб, ҳисобни очган бўлса, иккинчи тайм бошида Оразов фарқни йўққа чиқарди. Аммо 86-дақиқада Вербич ғалаба голини урди. 

Шу тариқа, Қозоғистон тўғридан тўғри саралашдан ўтма олмади. Жамоа плей-офф орқали Германияга йўл олиши мумкин.