"Евро-2024" саралаш. Италия ва Англия ишончли тарзда ғалаба қозонди

"Евро-2024" саралашидан ўрин олган айрим учрашувлар ўз ниҳоясига етди. Унда Англия Мальтани 2:0 ҳисобида мағлуб қилган бўлса, Италия Шомолий Македония устидан зафар қучди. 

Англия - Мальта ўйинида дастлаб 8-дақиқада Пепе ўз дарвозасини ишғол қилиб қўйди ва ҳисоб очилди. 75-дақиқада эса Кейн орадаги фарқни иккитага оширди. 

Шу тариқа, Англия "C" гуруҳидан ўрин олган Англия очколари сонини 19 тага етказиб олди. 

Италия - Шимолий Македония учрашувининг биринчи таймида италияликлар 3 та гол уришга муваффақ бўлди. Иккинчи бўлимда Атанасовнинг дублига эса Распадори ва Эл Шаарави гол билан жавоб қайтариб, ҳисобни йириклаштирди. 

Ушбу ғалабадан кейин Италия гуруҳда иккинчи ўринга чиқиб олди.