Европа чемпионатида иштирок этган тарихдаги энг ёши катта футболчи фаолиятини якунлади

Венгрия терма жамоаси дарвозабони Габор Кирай 43 ёшида футболчилик фаолиятини якунлади.

Айтиш керакки, Кирай Венгрия терма жамоаси сафида Евро-2016да иштирок этган ва ўшанда Европа чемпионатларида қатнашган тарихдаги энг ёши катта футболчи сифатида қайд этилган эди. Кирай Австрияга қарши ўйинда 40 ёш 74  кунлик бўлган.

У фаолияти давомида "Фулхэм", "Бёрнли", "Кристал Пэлас", "Вест Хэм" "Герта" ва "Байер" каби клубларда тўп сурган.