Европа грандлари қизиқиб юрган футболчи Саудияга йўл олиши мумкин

"Фиорентина" ярим ҳимоячиси Софьян Амрабат фаолиятини Саудия Арабистони чемпионатида давом эттириши мумкин. 

Маълум бўлишича, марокашлик футболчига Саудиянинг "Ал-Аҳли" клуби таклиф билан чиққан. Ҳозирча клуб унга қанча маош таклиф қилгани ва Италия грандига қанча тўлаш ниятида эканлиги маълум эмас. 

Аввалроқ, Амрабат МЮ сафига кўчиб ўтишга яқин эканлиги ҳақида хабарлар чиқаётганди. "Қизил иблислар" унга 25 миллион евролик таклиф билан чиққан, аммо флоренцияликлар мазкур таклифга рад жавобини берганди.