Европанинг 5 та гранд клуби Россия терма жамоаси ҳимоячиси учун кураш бошлади

Москванинг ЦСКА клуби ва Россия терма жамоаси ҳимоячиси Марио Фернандесга Европанинг топ-клублари жиддий қизиқиш билдира бошлаган. Бу ҳақда журналист Гильем Балаге ўзининг твиттердаги саҳифасида маълум қилди.

Юқоридаги манбаага кўра асли бразилиялик бўлган 28 ёшли футболчига "Манчестер Юнайтед", "Манчестер Сити", "Бавария", "Барселона" ва "Челси" каби жамоалар қизиқиб қолишган.

Маълумот учун, Фернандес жорий мавсум ЦСКА сафида жами 33та ўйинда майдонга тушди ва ўз ҳисобига 1та гол ҳамда 9та ассист ёздириб қўйишга эришди.