Европанинг энг кучли клуби 100 миллион евролик вундеркинддан юз ўгирди

Европа Чемпионлар лигасининг амалдаги ғолиби “Пари Сен-Жермен” раҳбарияти “Лилль” клуби ва Марокаш миллий терма жамоаси ҳужумкор футболчиси Айюб Буадди учун курашда иштирок этмасликка қарор қилди.

18 ёшли футболчига бўлган қизиқиш жаҳон чемпионати давомида анча кучайди. Марокаш терма жамоаси ушбу турнирда чорак финалгача етиб борган эди.

Бироқ журналист Дэвид Орнштейн маълумотига кўра, ПСЖ бу ёзда Буаддини сотиб олишга уринмайди.

“Лилль” клуби мутасаддилари ёш юлдуз учун тахминан 100 миллион евро талаб қилмоқда ва бундай нарх Чемпионлар лигасининг амалдаги ғолибларини қониқтирмайди.

Футболчининг асосий даъвогарларидан бири сифатида “Манчестер Сити” кўрилмоқда ва клуб яқин вақт ичида ярим ҳимоячи бўйича аниқ музокаралар ўтказишни режалаштирган.