"Эюпспор" — "Башакшеҳир": Тахминий таркиблар билан танишинг

Туркия Суперлигасининг 21-туридан ўрин олган учрашувда "Эюпспор" ўз майдонида "Истанбул Башакшеҳир" жамоасини қабул қилади. Мазкур баҳс олдидан Fanatik нашри жамоаларнинг тахминий таркибларини эълон қилди.

Унга кўра, Туркия кубоги доирасида "Фатих Карагюмрюк"га қарши ўйинда ҳамюртимиз Элдор Шомуродов ўзини ноқулай ҳис қилгани сабабли 26-дақиқада захирага олинган эди. Аммо у бугун учрашувни илк дақиқалардан бошлаши мумкин.

Шунингдек, Аббосбек Файзуллаевнинг ҳам асосий таркибда майдонга тушиши кутилмоқда.

"Эюпспор": Жанкат, Талҳа, Онгуене, Менди, Умут Мераш, Ташқин, Торрес, Эмре, Баран Али, Пинтор, Умут Бозок.

"Башакшеҳир": Муҳаммад, Ўмер Али, Дуарте, Опоку, Опери, Умут Гюнеш, Кемен, Файзуллаев, Шомуродов, Харит, Селке.

Маълумот учун, беллашув Тошкент вақти билан соат 16:30'да старт олади.