Фабио Капелло Неймар ҳақида: У жуда кўп пул топаяпти ва бу уни бузяпти

Италиялик машҳур мутахассис Фабио Капелло ПСЖ клуби ва Бразилия терма жамоаси форварди Неймарни жиддий танқид қилди. Бу ҳақда Mundo Deportivo нашри хабар тарқатмоқда.

“Неймар менга футболчи сифатида ёқади. Унда кўплаб яхши сифатлар бор, бироқ унга жиддийлик етишмайди. У ўзгарди. У жуда кўп пул топаяпти ва бу уни бузяпти. Масалан, Месси фақат ўйин ҳақида ўйлайди, бизнес ҳақида эмас”, - дейди Капелло.

Эслатиб ўтамиз, ПСЖ Неймарни 2017 йил “Барселона”дан 222 млн евро эвазига сотиб олган эди. Бироқ, яқиндагида парижликлар уни сотиб юбормоқчи эканликлари ҳақида хабарлар тарқалди.