Fabio Kannavaro Otabek Shukurov jamoasini boshqarishi mumkin

Italiyalik afsonaviy himoyachi Fabio Kannavaro Turkiyaning “Fotih Karagumruk” klubi bosh murabbiyiga aylanishi mumkin.
Jurnalist Janluka Di Martsioning xabar berishicha, yaqinda turk klubi vakillari va italiyalik mutaxassis o‘rtasida uchrashuv bo‘lib o‘tgan. Shartnomaning rasmiy imzolanishi yaqin kunlarda bo‘lib o‘tadi.
Bungacha turk jamoasini yana bir afsonaviy italiyalik Andrea Pirlo boshqargan. U may oyida klubni tark etgandi. Ayni damda "Fotix Karagumruk" safida legionerimiz Otabek Shukurov o‘ynamoqda.