Фабрегас "Арсенал" иқтидорини "Комо"га олиб келмоқчи

Лондоннинг "Арсенал" клуби ярим ҳимоячиси Итан Нванери Италиянинг "Комо" жамоаси қизиқиш доирасига тушди.

"Transfer News Live" нашри "TEAMtalk" манбасига таяниб хабар беришича, "Комо" бош мураббийи Сеск Фабрегас 19 ёшли футболчини ўз жамоасида кўришни истамоқда ва трансфер амалга ошиши учун фаол ҳаракат қилмоқда.

"Арсенал" ҳозирча футболчининг келажаги борасида якуний қарор қабул қилмаган. Нванери ўтган мавсумнинг иккинчи қисмини ижара асосида "Марсель" сафида ўтказган эди.

Манбага кўра, иқтидорли футболчи учун Англия Премьер-лигасининг бир нечта клублари ҳам қизиқиш билдирмоқда. Бу эса "Комо" учун жиддий рақобатни юзага келтириши мумкин.

Итан Нванерининг "Арсенал" билан шартномаси 2030 йилгача амал қилади. Transfermarkt портали унинг бозор қийматини 40 миллион евро деб баҳолаган.