Фабрицио Романо "Челси"нинг янги бош мураббийи ким бўлишини маълум қилди

"Челси" бош мураббийлик лавозимига Лиам Росеньор тайинланиш арафасида. Бу ҳақда таниқли журналист Фабрицио Романо хабар берди.

Унга кўра, Росеньор "аристократлар" билан келишувга эришилганини тасдиқлаган. Мутахассиснинг айтишича, у яқин орада Лондон жамоаси бош мураббийи сифатида иш бошлайди.

"Мен дунёдаги энг йирик клублардан бири  "Челси"нинг янги бош мураббийи бўлиш арафасидаман", — деди мутахассис.

Маълумотларга кўра, томонлар ўртасида тўлиқ келишув мавжуд ва тайинлов яқин вақт ичида расман эълон қилиниши кутилмоқда.