Фабрицио Романо Гавининг "Челси" вакиллари билан учрашганини рад этди

Лондоннинг "Челси" клуби "Барселона" ярим ҳимоячиси Гави билан учрашув ўтказгани рад этилди.

Аввалроқ испан ОАВларида "аристократлар" жамоси футболчининг ўзи ва унинг агенти билан учрашиб, эҳтимолий трансферни муҳокама қилгани ҳақида хабар берилганди. Бироқ журналист Фабрицио Романо бу миш-мишларни рад этди.

Гави янги шартномани расмийлаштиришда муаммоларга дуч келди. Шундан сўнг футболчининг "Барселона"ни тарк этиши мумкинлиги ҳақида хабарлар тарқалди. Испаниялик футболчига "Челси" қизиқиш билдирмоқда.

Гави ҳозирча янги шартнома бўйича маош олади, гарчи шартнома ҳали рўйхатдан ўтказилмаган бўлса ҳам. "Барселона" муаммони имкон қадар тезроқ ҳал қилиш устида ишламоқда.