Фабрицио Романо: Влаҳовичга 3 та клуб қизиқиш билдирмоқда

Инсайдер Фабрицио Романо хабар беришича, Влаҳович яхши таклиф тушса, "Ювентус"ни тарк этишга тайёр. Унга Бундеслига, Премьер-лига ва Лига 1дан қизиқишлар мавжуд. 

Ўзига марказий ҳужумчи излаётган ПСЖ рўйхатда фаворитлардан бири бўлиб турибди. "Челси" ва "Бавария" ҳам уни сотиб олишни ўйламоқда. Аммо ҳали ҳеч қайси клуб расмий таклиф билан чиқмади. 

Эслатиб ўтамиз, Влахович 2022 йил қишки трансферлар ойнасида "Арсенал"га рад жавобини бериб, туринликлар сафига ўтганди. Унинг жамоа билан тузган шартномаси 2026 йилгача амал қилади.