ФАКТ! АГМК Бекободда “Металлург”га қарши 9 ўйинда бир дуранг ва бир ғалаба қайд этган холос

Тошкент вилояти жамоалари 2008 йилдан узлуксиз куч синашиб келишади ва у мамлакатимиздаги энг муросасиз дербилардан ҳисобланади. Буни қайд этилган натижалардан ҳам билиб олиш мумкин. Ўтган давр мобайнида пойтахт вилояти вакиллари бир бирларига қарши 23 та марта тўқнаш келишган. Кичик устунлик “Олмалиқ” жамоаси томонида. "Кончилар" ўтказилган ўйинларнинг 11 тасида зафар қучган бўлишса, "металлурглар" 10 та учрашувда муваффақият қозонишган. 2 та ўйинда дуранг натижа қайд этилган. Киритилган ва ўтказиб юборилган тўплар фарқи 45-43, олмалиқликлар фойдасига.

Мазкур жамоаларнинг тўқнашувида олмалиқлардан энг кўп гол киритган ўйинчи Мўйдин Мамазулимов. Унинг ҳисобида 6 та гол бор. Бекободликлар ҳужумчиси Зоҳид Абдуллаев эса рақиблари дарвозасини 5 марта ишғол этган.

Бу йилги мавсумнинг биринчи даврасида Олмалиқда кечган учрашувда дуранг натижа қайд этилди. Учрашувнинг биринчи таймида Сервер Жепаров жарима майдонига кирмасдан дарвозанинг олис бурчагини нишонга олиб, ҳисобни очган бўлса, иккинчи бўлимда мезбонлар ҳисобни тенглаштиришганди. Бурчакдан узатиб берилган тўпга Сардор Раҳмонов ҳаммадан биринчи бўлиб етиб келганди. Бундан ташқари олмалиқликлар пенальтидан фойдалана олмаганликларини ҳам эътироф этиш лозим.

Бекободдаги ўйинларда мезбонлар тўққиз марта ғалаба қозонган. 1 та ўйинда меҳмонларнинг қўли баланд келган бўлса, яна битта учрашувда кучлар тенг келган.

Ушбу жамоаларнинг Бекободда кечган ўйинлари билан танишинг:

13.11.2008 Металлург – Олмалиқ – 1:1
05.11.2009 Металлург – Олмалиқ – 3:2
24.04.2010 Металлург – Олмалиқ – 1:0
09.09.2011 Металлург – Олмалиқ – 4:3
04.09.2012 Металлург – Олмалиқ – 4:3
31.05.2013 Металлург – Олмалиқ – 2:1
03.08.2014 Металлург – Олмалиқ – 3:2
21.10.2015 Металлург – Олмалиқ – 4:2
18.08.2016 Металлург – Олмалиқ – 4:2
26.10.2017 Металлург – Олмалиқ – 3:2
10.05.2018 Металлург – Олмалиқ – 0:1