Fakt! "So‘g‘diyona" hech qachon "Navbahor" maydonida g‘alaba qozonmagan

Mazkur jamoalar O‘zbekiston chempionatlarining  Cuperliga (oliy liga)sida o‘zaro 46 marta uchrashishgan. Ushbu o‘yinlarning 23 tasida “Navbahor” g‘alaba qozongan bo‘lsa, “So‘g‘diyona” 17 ta bahsda zafar quchgan. Qolgan 6 o‘yinda durang qayd etilgan. To‘plar nisbatidagi ko‘rsatkich 83-56, “Navbahor”foydasiga. Navbahor” o‘zaro o‘yinlarda 75 ochkoni qo‘lga kiritgan bo‘lsa, jizzaxliklar hisobida 57 ochko mavjud.

“Navbahor” – “So‘g‘diyona” klublari o‘rtasidagi o‘zaro uchrashuvlardagi eng yirik hisob 1996 yili qayd etilgan. O‘shanda "lochinlar" Namanganda jizzaxliklar darvozasiga javobsiz 7 ta to‘p kiritishgan edi. Sermahsullik borasida esa 2000 va 2014 yilgi uchrashuvlar tarixda qolgan. E’tiborlisi, o‘sha o‘yinlarda darvozalarga to‘qqiztadan gol urilgan.

2000 yili Namanganda bo‘lib o‘tgan uchrashuvda mezbonlar 6:3 hisobida zafar quchishgan bo‘lsa, 2014 yili Jizzaxda o‘tkazilgan bahsda “So‘g‘diyona” 5:4 hisobida g‘alaba qozongandi.

Namanganda o‘tkazilgan so‘nggi besh uchrashuv natijalari quyidagicha:

2014 yil  - “Navbahor” -  “So‘g‘diyona” -  4:2

2015 yil  - “Navbahor” – “So‘g‘diyona” - 1:0

2016 yil  - “Navbahor” -  “So‘g‘diyona” -  0:0

2017 yil  -  “Navbahor”-  “So‘g‘diyona” -  4:1

2018 yil  -  “Navbahor”-  “So‘g‘diyona” -  2:0

O‘zaro o‘yinlar haqida fakt: “So‘g‘diyona” shu paytgacha “Navbahor” maydonida g‘alaba qozona olmagan. Namanganda bo‘lib o‘tgan uchrashuvlarning 19 tasida “lochinlar” zafar quchishgan bo‘lsa, qolgan 4ta bahsda jamoalar durangga imzo chekishgan.

Manba: "Navbahor"