Фақат бугун эмас! "Челси" "Сити"ни сафарда мағлуб этиб, чемпионлик расмиятчилигини кейинроққа қолдирди!

Англия Премьер-лигаси 35-туридан ўрин олган "Манчестер Сити" - "Челси" учрашуви ўз якунига етди. Унда меҳмонлар 2:1 ҳисобида ғалаба қозонди.

Дастлаб, Рахим Стерлинг биринчи бўлим сўнгида ҳисобни очди. Унинг голига 63-дақиқада Хаким Зиеш аниқ зарбаси билан жавоб қайтарди. Қўшиб берилган дақиқаларда Маркос Алонсо жамоасига ғалаба келтирган голга муаллифлик қилди.

Шундай қилиб, "Аристократлар" очколарини 64 тага етказиб олган ҳолда, 3-ўринга кўтарилиб олди. "Шаҳарликлар" очколари сони 80 талигича қолди. 

• 90+3'
  

  Учрашув якунланди. "Сити" бугунча чемпионликни нишонлай олмайдиган бўлди!

• 90+2'
  

  ГООООООООООООЛ! "Челси" ғалабани илиб кетди!

  Вернернинг жарима майдонига узатган тўпини Алонсо дарвозага киритди!

• 90+2'

  Сўнгги дақиқаларни лондонликлар олдинги чизиқда ўтказмоқда.

• 90'
  

  Ўйиннинг асосий вақтига 3 дақиқа қўшиб берилди.

• 90'
  

  Пулишичга нисбатан жиддий қўполлик ишлатган Жезус огоҳлантирилди.

• 89'

  Маркос Алонсо тўпни олдинга чиқиб кетган Эдерсоннинг устидан ошириб дарвозага йўллади. Тўп мўлжалга аниқ бормади.

• 88'

  Жарима майдони ичида Стерлинг йиқилиб тушди. Ҳакам унга ўрнидан туриши лозимлигини айтди.

• 86'

  Амалга оширилган ўзгаришлар "шаҳарликлар" ўйинига фаоллик киритди.

• 84'

  "Сити" тўпни ўзида ушлаб турибди, холос. Футболчилар хавф туғдиришга қийналмоқда.

• 82'

  Қулай позицияга чиқиб борган Стерлингни Зума тўхтатди. 

• 81'
  

  Ҳозиргина майдонга тушган Хадсон-Одои гол урди. Бироқ ҳакам офсайд туфайли голни бекор қилди.

• 79'

  Вернер бу сафар ўйиндан ташқари ҳолатда қолиб кетди.

• 77'

  Жарима майдонига оширилган тўпга Вернер ета олмади.

• 76'
  

  Хаким Зиеш ўрнига Каллум Хадсон-Одои майдонга тушди.

• 74'

  Зиешнинг узатмасидан кейин Гюндоган тўпни қайтариб юборди.

• 73'

  Футболчилар бугун индивидуал ҳаракатлар эвазига рақиб ҳимоясини енгиб ўтишга ҳаракат қилмоқда.

• 71'
  

  Агуэро ва Торрес ўрнига Гюндоган ҳамда Фоден ўйинга қўшилди.

• 69'
  

  Мезбонлар бурчак зарбасидан наф чиқара олмади.

• 68'
  

  Канте ўз ўрнини Жоржиньога бўшатиб берди.

• 67'

  Гвардиола шогирдлари тўпни рақиб ярим майдонида ушлаб турибди.

• 65'

  Голдан руҳланган "аристократлар" фаолликни оширмоқда.

• 63'
  

  ГОООООООООООЛ! Хаким Зиеш тарози паллаларини тенглаштирди!

  Жарима майдони чизиғи олдидан Зиеш бурчакни аниқ нишонга олди.

• 61'

  Пулишичнинг уринишидан кейин тўп ноаниқ кетди.

• 59'

  Аспиликуэтанинг зарбаси ҳимоячилардан ўтмади.

• 57'

  Томонлар бироз эҳтиёткор ҳаракат қилмоқда. Ёхуд ҳимоячилар ҳужумчилардан устунлик қиляпти.

• 55'

  Манчестерликлар тўп назоратини тортиб олди.

• 53'

  Жарима майдони ичида тўпни қабул қилган Стерлинг 3 рақиби қуршовида тўп йўқотди.

• 52'

  Зиеш узоқ масофадан ўз омадини синаб кўрди. Дарвозабон ўз ўрнида.

• 50'

  Иккинчи 45 дақиқаликда тўп назорати лондонликлар томонда бўлиб турибди.

• 48'

  Хаким Зиешнинг узатмасини Диаш ўтказмади.

• 46'
  

  Иккинчи тайм бошланди!

• 45+3'
  

  Танаффус!

• 45+2'
  

  Агуэро?! Пенальтини "паненка" услубида ижро этган Серхио шарманда бўлди. Дарвозабон тўпни ушлаб олди.

• 45+2'
  

  Жарима майдони ичида Гилмор Жезусга нисбатан қоида бузди. Бу - пенальти!

• 45+1'
  

  Андреас Кристенсен жароҳат олган кўринади. Шифокорлар уни майдон ташқарисига олиб чиқишди.

• 45'
  

  Биринчи таймга 1 дақиқа қўшиб берилди.

• 44'
  

  ГОООООООООЛ! Учрашувда ҳисоб очилди!

  Кристенсеннинг хатосидан кейин тўпни олиб қўйган Жезус шеригига пас берди. Стерлинг бўш қолган дарвозага тўп киритди.

• 43'
  

  Хаким Зиешнинг зарбасидан кейин Эдерсон тўпни қайтарди.

• 39'

  Бўлим сўнгига келиб, тўп назорати бўйича тўлиқ устунлик "шаҳарликлар" томонга ўтди.

• 37'
  

  Қанотдан етказиб берилган тўпни Кристенсен майдон ташқарисига чиқариб юборди.

• 35'
  

  Стерлинг жарима майдони ташқарисидан ўз омадини синаб кўрди. Эдуар Менди ўз ўрнида.

• 34'

  "Челси" футболчилари рақиб жарима майдони атрофида комбинация уюштирди. Аммо ҳимоячилар бу узоқ вақт давом этишига йўл қўймади.

• 32'
  

  Вернернинг голи инобатга олинмади. Тимо ўйиндан ташқари ҳолатда қолиб кетганди.

• 30'

  Тухель шогирдлари узун паслар билан бир-бирларини тезроқ ва кўпроқ югуришга ундамоқда.

• 28'
  

  Хаким Зиеш офсайдда қолиб кетди. Ҳакам ҳуштагини чалди.

• 26'

  Стерлинг ва Агуэро бир-бирини тушунмай ҳаракат қилиши натижасида тўп йўқотилди.

• 24'

  "Аристократлар" бурчак зарбасидан фойдалана олмади.

• 23'

  Тўп назорати манчестерликлар томонда бўлиб турибди.

• 21'
  

  Тимо Вернер воқеалар ривожидан бироз илгарилаб кетди.

• 19'

  Канте майдон марказида рақибига нисбатан қоида бузди. Ҳакам ўйинни тўхтатди.

• 17'

  Родрининг олис масофадан йўллаган зарбаси ҳимоячилардан қайтди.

• 15'

  Қанотдан жарима майдонига оширилган тўпни Эдерсон ушлаб олди.

• 14'

  Рис Жэймснинг стандартдан берган зарбаси жонли девордан ўтмади.

• 12'
  

  Вернерга нисбатан қоида бузган Стерлинг огоҳлантирилди.

• 10'

  Томонлар анча эҳтиёткор футбол намойиш этмоқда.

• 8'

  Бенжамин Мендининг уриниши ноаниқ кетди.

• 6'

  Майдон эгалари кетма-кет ҳужумлар билан рақибни саросимада ушлаб турибди.

• 4'

  Ферран Торреснинг жарима майдони ичидан берган зарбаси ноаниқ кетди.

• 3'

  Дастлабки дақиқалардан мезбонлар фаолроқ ўйин кўрсатишга ҳаракат қиляпти.

• 1'
  

  Учрашувга старт берилди!