Фақат кўп пул берасизлар! “Челси” ўз юлдузини “Сити”га сотадиган бўлди

The Sun нашри хабарига кўра, “Челси” Педру Нету учун “Манчестер Сити”дан 70 миллион фунт стерлинг талаб қилмоқда.

Маълум қилинишича, “Сити”нинг янги бош мураббийи Энцо Мареска португалиялик қанот ҳужумчиси билан яна бирга ишлашни истайди ва клуб яқин вақтларда расмий таклиф билан чиқишга тайёрланмоқда.

Шунингдек, манчестерликлар Нету учун “Милан” билан ҳам кураш олиб бормоқда. Бироқ молиявий имкониятлар бўйича “Манчестер Сити” италияликлардан анча устун ҳисобланади.

“Милан” Рафаэл Леаунинг эҳтимолий кетишини ҳисобга олиб, Педру Нетуни ўзининг асосий трансфер мақсади сифатида белгилаган.

“Челси” Нетуни асосий таркиб футболчиси, деб ҳисобламоқда, аммо катта миқдордаги таклиф тушса, клуб ўз позициясини қайта кўриб чиқиши мумкин.

Футболчининг агенти Жорже Мендеш уни Саудия Арабистонининг “Ал-Ҳилол” клубига ҳам таклиф қилган. Бироқ Нету Европада энг юқори даражада ўйнашни хоҳлаётгани учун Саудия Про-лигасига кўчиб ўтиш масаласида иккиланмоқда.

Педру Нетунинг “Челси” билан амалдаги шартномаси 2031 йил июнигача амал қилади. Лондон клуби уни 2024 йили 60 миллион евро эвазига харид қилган.

Ўтган мавсум португалиялик футболчи Премьер-лигада 34 та учрашувда иштирок этиб, 5 та гол ва 6 та голли узатма муаллифи бўлган.