Файзуллаев фаолиятини қаерда давом эттиради?

“Пахтакор” тарбияланувчиси Аббосбек Файзуллаев бир йил муқаддам Москванинг ЦСКА клуби сафига кўчиб ўтганидан кейин легионер сифатида дебют мавсумида сермаҳсул ўйин кўрсатди.

Қолаверса, 20 ёшли ҳужумкор футболчимизнинг Ўзбекистон терма жамоалари сафида қитъа миқёсидаги бир неча нуфузли турнирларда муваффақиятли иштирок этгани кўпчиликда Аббосбек Файзуллаевнинг Европага  қачон йўл олиши ҳақидаги саволларни келтириб чиқармоқда.

Айни пайтда легионеримиз Париж Олимпиадасидан қайтганидан кейин спорт формасини тиклашга ҳаракат қиляпти. ЦСКАнинг Россия Премьер-лигаси ва мамлакат кубогидаги учрашувларида иштирок этмоқда.

Таббийки, Россия матбуоти вакиллари ҳам Аббосбек Файзуллаевга турли саволлар билан мурожаат қиляпти.

Спортга ихтисослашган “Советский спорт” нашри журналисти Никита Плохих ўзбек футболчисидан фаолиятини қаерда давом эттириши ҳақидаги масалага ойдинлик киритишни сўради.

- Айни пайтда ЦСКА билан амалдаги шартномам бор, мен бу битимни ҳурмат қиламан. ЦСКАда бахтиёрман, менга янги мураббий, унинг штабидагилар ва мухлислар жуда ёқди.

Ҳозирча, шартномам охирига қадар ЦСКАдаман. Шу ерда эканман боримни шу клубга бағишлайман, - деди Аббосбек Файзуллаев.

Россиянинг энг йирик ТАСС ахборот агентлиги ҳам ўзбек футболчисига машҳурлик ва мухлисларнинг қўллаб-қувватлаши ҳақидаги саволларни берди.

- Бизникилар Россиядаги легионерларимизни ҳам жуда яхши қўллаб-қувватлаб келишади. Ижобий реакцияларни ижтимоий тармоқдаги ижобий изоҳлар ва мулоҳазаларнинг кўплигидан билиб олиш мумкин.

Мен Ўзбекистондан бўлаётган қўллаб-қувватлашларни ҳис қиламан, мухлислар доим менга ёзишади.

Ўзбекистонда кўча-кўйда ҳам мени таниб қолишади. Бу ҳолат Москвада камроқ.

Мени доим яхши кутиб олишади, табассум ва хурсандчилик билан суратга тушишади, - деди Аббосбек Файзуллаев.

Россия футболининг янги мавсумида ўзбекистонлик футбол ишқибозлари Премьер-лиганинг ўзбек футболчилари тўп тепаётган уч жамоаси ўйинларини алоҳида қизиқиш билан томоша қилиб бормоқда.

Аббосбек Файзуллаев “армиячилар” шарафини ҳимоя қилаётган бўлса, Умарали Раҳмоналиев ва Рустамжон Ашурматов “Рубин” таркибида юқори ўринлар учун курашмоқда.

Янги мавсум олдидан Премьер-лига дебютанти “Акрон” жамоасига яна бир иқтидорли ёш футболчимиз қўшилди. 21 ёшли марказий ярим ҳимоячимиз Шерзод Эсанов легионер сифатида тольяттиликларнинг асосий таркибига ёриб кирмоқда.

Икки ўзбек чемпиони энди профессионал боксни “ёради”!

Ҳозир дунёда энг зўри ўзбек боксчилари, Куба иккинчи даражага тушди!

Файзуллаев ЦСКАдан кетган футболчини қўллаб-қувватлади!

Шомуродовни маошига қарамай оламиз! Европада қолган Элдорга янги вариант бор

Файзуллаев қачон гол уришини айтди

Легионеримиз кутгани бўлмади!