Файзуллаев ва Шомуродов гол урган учрашувида нечи баллга лойиқ кўрилди?

Хабарингиз бор, Туркия Суперлигасининг 14-турида Нури Шахин бошқарувидаги "Истанбул Башакшеҳир" сафарда "Касимпаша" билан тўқнаш келиб, 3:1 ҳисобида муваффақиятга эришди. Ушбу учрашув давомида икки ҳамюртимиз Аббосбек Файзуллаев ҳамда Элдор Шомуродов 1 тадан гол урди. Икки вакилимизнинг мазкур тўқнашувда қўлга киритган баллари билан танишинг. 
 
"Fotmon" Аббосни 7.8 баллга, Элдорни эса 8.1 баллга лойиқ кўрган бўлса, "Sofascore" портали Файзуллаевга 7.3 балл, Шомуродовга 7.4 балл қўйди. 
 
Бундан ташқари, яна бир машҳур нашрлардан бири ҳисобланган "Flashscore" сайти 22 ёшли ҳужумчимизга 7.4 балл берди. Миллий терма жамоамиз сардорига эса 7.8 баллни лойиқ кўрди. 
 
Маълумот ўрнида, "Башакшеҳир" навбатдаги беллашувини 6 декабрь куни "Фенербахче"га қарши ўтказади.