Файзуллаев яна гол урганида борми...

Россия Премьер-лигасининг 16-турида ЦСКА ўз майдонида Москванинг “Динамо” кулбига 2:3 ҳисобида ютқазиб қўйди.

Бу ўйиннинг биринчи ярмида Аббосбек Файзуллаев узоқ масофадан чиройли гол уриш баробарида жамоадоши Антон Заболотнийга голли пас узатди. Ҳар икки голда иштирок этган ҳужумкор футболчимиз яна бир неча марта хавфли вазият яратди. Улардан бирида тўпни рақиб дарвозабони устидан ошириб ташлаган Аббосга озгина аниқлик етишмади.

Легионеримизда иккинчи бўлимда ҳам ҳисобдаги фарқни ошириш имкони бўлганди.

Илгари ЦСКА ва “Динамо”ни бошқарган таниқли мураббий Валерий Газзаев “Спорт экспресс” нашри журналистлари билан суҳбатда бу вазиятга алоҳида эътибор қаратди ва Аббосбек Файзуллаев ҳақидаги фикрларини ҳам айтиб ўтди.

— Агар Файзуллаев ҳисоб 2:1 бўлиб турганида иккинчи бўлим бошида гол ура олганида натижа қандай бўларди?

— Ҳа, бу беллашувнинг энг муҳим нуқтаси бўлди. Агар “армиячилар” ҳисобни 3:1 қилганида “динамочилар” ўйинга қайтишига у қадар ишона олмасдим...

— ЦСКАнинг ўзбек легионерига қандай баҳо бердингиз?

— Биринчи бўлимда жуда кучли ўйин намойиш қилди. Бу йигит кўз ўнгимизда ўсяпти. Ҳозирнинг ўзида жамоани ўз ортидан эргаштиряпти, голли паслар узатяпти, ўзи ҳам тўп киритяпти.

ЦСКАнинг қолган ўйинчилари фонида яққол ажралиб, кўзга ташланиб турибди. Жуда ўрқин ярим ҳимоячи экан, майдонда ўйиндан ўйинга порлаяпти.

— Унинг голи дарвозабон Лешукнинг хатоси натижасими?

— Ҳа, “Динамо” дарвозабони хато қилди. ЦСКА ўйинчиси бунақа позициядан зарба беришини кутмаган кўринади. Лекин бу голда Файзуллаевнинг маҳоратини ҳам алоҳида эътироф этиш керак.

Аббос мураккаб зарба йўллашга жазм қилди ва дарвозабонни ғафлатда қолдирди. Офарин!

Эслатиб ўтамиз, Аббосбек Файзуллаев шу йилнинг август ойида “Пахтакор”дан ЦСКАга кўчиб ўтган эди. 20 ёшли футболчимиз қисқа фурсатда жамоанинг асосий ўйинчисига айланди.

Файзуллаев сентябрь ва октябрь ойларида ЦСКАнинг энг яхши футболчиси, деб эътироф этилди. Ноябрь ойида ҳам бу номга асосий даъвогарлардан ҳисобланади.

Аббосбек ЦСКАга ўтганидан бери Россия Премьер-лигаси ва мамлакат кубогида жами 15 та учрашувда майдонга тушиб, иккита гол ва еттита ассист муаллифи бўлди.

ЦСКА Россия Премьер-лигасидаги навбатдаги учрашувини 3 декабрь куни ўз майдонида “Ростов” футболчиларига қарши ўтказади.

Зўр ўйнаётган Ҳусановга “Ланс” асосий таркибида жой йўқми?

Мураббий Аббосбек Файзуллаевга шарт қўйди

ЦСКА мураббий гол уриб, ассист қилган Файзуллаев ўйинини қандай баҳолади?

Мен Месси эмас, Аббосман!

Премьер-лига клуби: Файзуллаевни кузатганмиз, у яхши футболчи!

Файзуллаевнинг устози Россия клубларига яна икки футболчини тавсия қилди

Буни Файзуллаевдан ҳеч ким кутмаганди

Легионеримиз: Асосий таркибда ўйнашга тайёрлигимни исботлайман