Файзуллаев "Зенит" устидан қозонилган ғалабадан ҳақида нималар деди?

ЦСКА сафида ўйнаётган легионеримиз Аббосбек Файзуллаев "Зенит"га қарши бўлиб ўтган Россия Кубоги РПЛ Йўли финал жавоб ўйинидан сўнг ўз фикрларини билдирди. Учрашув 2:0 (пенальтилар сериясида 4:3) ҳисобида якунланди. Икки ўйин натижасига кўра, суперфинал йўлланмасини "армиячилар" қўлга киритди.

— "Зенит"дан ўч олиш муҳим бўлдими? Ҳозир энг муҳими – бу ғалаба. Биз финалдамиз, барча мухлисларимизни табриклайман. Улар – ажойиб, — деди Файзуллаев учрашув якунлангач.

Россия Кубоги суперфиналида ЦСКАга рақиб бўладиган жамоа, "Спартак" – "Ростов" ўртасидаги баҳс ғолиби бўлади. Учрашув 15 май куни Москвада бўлиб ўтади. Ҳозирги амалдаги Россия Кубоги соҳиби Санкт-Петербургнинг "Зенит" клуби ҳисобланади. Ўтган йилги суперфиналда улар Калининграднинг "Балтика" жамоасини мағлуб этганди.