Фелиш "Атлетико"га мос эмас. Унга мос келадиган жамоа қайси?

Москванинг "Локомотив" клуби ҳимоячиси Жоау Мариу “Атлетико”даги ҳамюрти Жоау Фелиш “матрасчилар”нинг ўйин услубига мос келмаслигини айтди.

“Атлетико” - жуда меҳнаткаш жамоа. Худди Италия жамоаси Испанияда ўйнаётгандек. Фелишнинг юқори нархини инобатга олганда, унинг “Атлетико”га мослашиб кетиши қийин.

“Барселона”да босим бунданда кучлироқ бўлиши мумкин эди, аммо ман шу жамоа унга кўпроқ мос келади”, - дейди португалиялик футболчи.

20 ёшли Фелиш “Атлетико” сафига 2019 йил “Бенфика”дан кўчиб ўтган эди.